O Meiriñado de Sangüesa é un dos cinco meiriñados en que historicamente se dividiu a Comunidade Foral de Navarra (España) e que ten por capital a cidade de Sangüesa. O seu termo coincide co partido xudicial de Agoitz agás no caso do municipio de Burlata que dende 1988 pertence ao partido xudicial de Pamplona. O meiriñado engloba 65 municipios e 11 facerías tendo unha superficie total de 2070,8 km². A súa poboación en 2010 foi de 79.757 habitantes (INE).